NZAMBI GANGAKA NSI-NTOTO YE BIMA YONSO YA KELE NA MOYO
Na luyantiku...Nzambi salaka zulu ti ntoto. Kuyantika 1:1
Sambu bima yonso yina kele na zulu ti yina kele awa na nsi-ntoto...Nzambi salaka yina yonso na lusadisu ya Kristo. Kolosai 1:16
Mfumu Nzambi yina salaka zulu ti ntoto, yandi sakumuna beno. Zulu kele ya Mfumu Nzambi yandi mosi, kansi ntoto yandi pesaka yo na bantu. Bankunga 115:15, 16
NZAMBI SALAKA BETO
Ebuna
Nzambi tubaka nde: "Ntangu yai beto ke sala bantu, bo ta vanda bonso
beto, bo ta fwanana na beto. Bo ta yalaka bambisi...."
Kuyantika 1:26
MUNTU BAKAKA MOYO
Ntangu yai Mfumu Nzambi bakaka putulu ya ntoto, yandi salaka na yo muntu. Yandi tulaka mupepe yina ke pesaka [moyo]* na mbombo ya muntu, ebuna muntu yantikaka kupema. Kuyantika 2:7
Ebuna Mfumu Nzambi tubaka mpi nde: "Kele mbote ve nde muntu kuzinga kaka yandi mosi. Mono ke sadila yandi muntu ya nkaka yina me fwana na yandi sambu na kusadisaka yandi...." Ntangu yai Mfumu Nzambi bwisaka muntu na mpongi ya ngolo yandi lalaka. Nzambi katulaka yandi mpanzi mosi, ebuna na kifulu yina yandi kangisaka musuni. Na mpanzi yina ya yandi katulaka na muntu, yandi salaka nkento, ebuna yandi kwisaka kunata nkento na muntu. Kuyantika 2:18, 21, 22
ADAMI TI EVA LEMFUKAKA VE NA NZAMBI
Mbote
beto lemfuka ve ata fioti na ndinga ya Satana.
Ntangu yai Mfumu Nzambi bakaka muntu, yandi
tulaka yandi na kilanga na ntoto ya Edeni sambu na kusalaka muna ti kutalaka yo mbote-mbote. Yandi tubaka na muntu nde: "Nge lunga kudia bambuma ya konso nti yai ke pesaka mayele sambu na kuzaba mambu ya mbote ti mambu ya mbi. Kilumbu ya nge ta dia yo, kilumbu yo yina nge ta fwa." Kuyantika 2:15-17
NIOKA, YINA YA BETO BINGA MPE DIABULU TO SATANA, TULAKA KETI-KETI SAMBU NA KIYEKA YA NZAMBI. YANDI TUBAKA LUVUNU.
Nioka nde: "Luvunu! Beno ta fwa ve." Nkento monaka nde nti yina kele kitoko, bambuma na yo mpi ke monana kitoko ya kudia. Yandi yindulaka mpi nde yo kele mbote na kukuma mayele. Yandi bakaka mbuma mosi...yandi diaka yo...bakala mpi diaka yo. Kuyantika 3:4, 6
ADAMI TI EVA VANDAKA NA MPILA DIAKA VE NA KUBIKALA NA BILANGA
Yo
yina Mfumu Nzambi kulaka yandi na kilanga ya Edeni, yandi songaka
yandi na kwenda kubundula ntoto...yandi tulaka bawanzio yai
basherube, bo me simba mbele yina ke pela tiya...kukangisa nzila na
konso muntu yina zola kwisa penepene.... Kuyantika 3:23,
24
MASUMU YA ADAMI TI EVA NATAKA MAWA SAMBU NA BANTU
Masumu me kotaka na nsi-ntoto sambu na mbi ya muntu mosi yai Adami, ebuna masumu me kwisaka kunata lufwa. Yo yina, bantu yonso ke fwaka.... Roma 5:12
Mambu mosi ya beto fweti kubambuka.
Konso muntu kele na masumu ke bendaka yandi na ntima tuka lubutuku na yandi. Lumbu mosi beto yonso ta fwa sambu masumu nataka lufwa.
LUKANU YA NZAMBI YA LENDA KATULA BETO NA MASUMU IKELE NA KUTINDA MWANA NA YANDI
Yandi
ta buta mwanabakala. Nge ta pesa yandi zina: Yesu, sambu
yandi...ta katula bantu na manumu n bo. Matayo 1:21
Na kukuma muntu, Mwana ya Nzambi butukaka bonso mwana.
YESU SUMBAKA BETO NA MENGA YA MWANA-DIMEME YA NZAMBI
...Sambu na menga ya Kristo, Nzambi me ndima beto; mpidina Kristo ta gulusa beto mpenza na ndola yina ya Nzambi ta pesa beto na makasi na yandi. Roma 5:9
Muyibi yai kwikilaka Yesu ve, ebuna yandi gulukaka ve.
...Kristo fwaka sambu na beto ntangu beto vandaka kaka bantu ya masumu. Roma 5:8
BO YONSO YA KWIKILA NA MWANA‚NZAMBI BO KE NA MOYO
Nzambi me lutaka kuzola bantu yonso; yo yina yandi pesaka bo mwana mosi yina kele na yandi, sambu konso muntu yina me ndima yandi na ntima na yandi, yandi kufwa ve, kansi yandi kuvanda na moyo ya mvula na mvula. Yoane 3:16
YANDI ME TELEMA!
Wanzio
tubilaka bankento nde: "Beno kuwa boma ve, sambu mono zaba nde beno
ke sosa Yesu yina ya bo tulaka na zulu ya kulunsi. Yandi kele awa ve,
Nzambi me tedimisa yandi na lufwa mutindu yandi tubaka. Beno kwisa
kutala kisika ya yandi vandaka ya kulala." Matayo 28:5,
6
YESU LENDA GULUSA NGE, YE YANDI KE SAMBILA NGE
Kansi Yesu, yandi ke zingaka mvula na mvula ebuna kisalu na yandi ya kinganga Nzambi yo lenda mana ve. Baebreo 7:24, 25
"Kana beno ke zolaka mono, beno ta landaka bansiku na mono." Yoane 14:15
INKI MUTINDU KUKOTA NA NZILA YA NZAMBI?
1.
Ndima nde nge kele muntu ya masumu (nge me lemfuka ve na
Nzambi).
...Bantu yonso me salaka masumu, bo ke na lukumu ya Nzambi mpi ve. Roma 3:23
2. Kwisa na Nzambi na nzila ya Yesu Kristo.
Yo yina yandi lenda gulusa mpenza bantu yonso yina ke kwendaka penepene na Nzambi na ngolo na yandi.... Baebreo 7:25
3. Balula ntima sambu na masumu.
(Kumona mawa sambu na masumu na nge na mpila nde nge ta bika mambu yina.)
Yo yina beno balula ntima.... Bisalu 3:19
Bika kusala mambu ya mbi, sala mambu ya mbote.... Bankunga 37:27
6.
Kwikila Yesu Kristo.
Kana nge ke ndimaka na munoko na nge na meso ya bantu yonso nde: "Yesu kele Mfumu" ti kana nge ke kwikilaka na kati ya ntima na nge nde Nzambi tedimisaka yandi na lufwa, nge ta guluka. Roma 10:9
7. Baka Yesu Kristo na ntima ti na moyo na nge.
Kaka nge mosi lenda kangula kielo ya ntima na nge, ye yamba Yesu sambu yandi kota. Yesu nde, "Kuwa! Mono me telema na kielo, ke bula. Kana muntu kuwa ndinga na mono ti kukangula kielo, mono ta kota...." Kusonga 3:20
KUSAMBA SAMBU NA KUYAMBA YESU
Kana nge ke na mfunu ya lusadisu sambu na kusamba, nge lenda landa lombilu yai bonso mbandu:
Mfumu Yesu Kristo,
Matondo sambu nge kufwaka na zulu ya kulunsi sambu na masumu na mono. Mono me mona mawa sambu na mbi yonso ya mono me sala. Kwisa kota na ntima na mono. Zinga na ntima na mono ya mvula na mvula. Mono ke tula nge ntima sesepiyai. Sukula ntima na mono. Mono baka nge, mono ndima nge, mono yamba nge bonso Ngulusi ye Mfumu na mono. Na zina ya Yesu, Amen.
KANA YESU KELE NA NTIMA, NGE KELE NA MOYO
...Nzambi me pesaka beto moyo ya mvula na mvula; moyo yina kele na Mwana na yandi. 1 Yoane 5:11, 12
"...Muntu yina ke waka malongi na mono, ke ndimaka mpi muntu yina tindaka mono, yandi ke na moyo ya mvula na mvula." Yoane 5:24
INKI MUTINDU KULANDA YESU LUMBU NA LUMBU
Tanga baverse ya Bible (Ndinga ya Nzambi) konso lumbu ye bumba yo na ntima. Longuka kutuba baverse ya lenda sadisa nge.
Bo sonikaka Mukanda ya Nzambi yonso na ngolo na yandi; mambu yonso kele na kati yo kele mfunu sambu na kulonga bantu mambu ya kieleka, sambu na kusungika bifu yina kele na mambu ya bantu ke longaka, sambu na kubongisa bantu, ti sambu na kulonga bantu na kuzinga luzingu mosi ya kinzambi. 2 Timoteo 3:16
YESU ZOLA NGE KUSONGA BANTU YA NKAKA NSANGU YA YESU
(na familia, na nzo-nkanda, na dibundu, na konso sika)
Yesu tubaka, "Vutuka na nzo na nge ti na bampangi na nge. Zabisa bo mambu yonso ya Mfumu Nzambi me sala nge, ti nki mutindu yandi me wila nge mawa." Marko 5:19
Na mbona-meso ya Yoane monaka (Kusonga 21), yandi monaka zulu ya mpa ti ntoto ya mpa. "Yandi ta kusula mansanga yonso na meso na bo. Lufwa ta vanda diaka ve...bo mpi ta waka diaka mpasi ve. Na ntangu yina mambu ya ntama ta vanda me vila. Ebuna muntu yina me vanda na kiti ya kimfumu tubaka nde: `Ntangu yai mono ke sala bima yonso ya mpa!'" Kusonga 21:4, 5
Yoane monaka mpe Bwala ya Santu, Yerusalemi ya Mpa, kulumuka na Nzambi na zulu. "...Bo tungaka lupangu
na matadi ya yaspe, kansi bo tungaka bwala yo mosi na wolo mpenza...." Kusonga 21:18, 19
YESU ME KWENDA SAMBU NA KUYIDIKA
KISIKA SAMBU NA BAKWIKIDI YONSO
"Beno kumona mpasi ve na ntima. Beno tula ntima na Nzambi, beno tula ntima mpi na mono. Bisika ya kulala kele mingi na nzo ya Tata; mono ke kwenda kuyidikila beno kisika...Ebuna na nima...mono ta kwisa diaka kubaka beno sambu beno mpi kuvanda ti mono kuna ya mono ta vanda." Yoane 14:1-3
Bantu yonso ta telema na lufwa.
...Bantu yonso yina me fwaka kele na maziamu, bo ta wa ndinga na yandi; ebuna bo ta basika na maziamu na bo. Bantu yina me salaka mbote, bo ta telama sambu na kubaka diaka moyo, kansi bayina me salaka mbi, bo ta telama sambu na kubaka ndola na bo. Yoane 5:28, 29
Bakristo ya fwaka na kristo ta telema ntete.
Nzambi ta tedimisa ntete bantu yina vandaka bakristo ntangu bo fwaka; na nima, beto bantu ta vanda na moyo na kilumbu yina, Nzambi ta baka beto nzila mosi ti bo, ebuna yandi ta nata beto na matuti sambu beto kwenda kukutana ti Mfumu Yesu... Mpidina, beto ta vandaka ti Mfumu Yesu ntangu yonso. 1 Tesalonika 4:16, 17
INKI MUTINDU YESU TA VUTUKA?
Beno
tala, yandi ke kwisa na kati ya matuti! Bantu yonso ta mona yandi....
Kusonga 1:7
Keba sambu bakristo ya luvunu ti baprofeti ya luvunu kusa beno ve.
"...Kana muntu kutubila beno nde: `Beno tala, Mesia kele kwaku!' to `Yandi kele kuna!' beno kwikila yandi ve." Matayo 24:23, 26
YESU TA VUTUKA NSWALU NA MATUTI YA ZULU
"...Na ntangu yina bantu ya makanda yonso ta dila, bo ta mona Mwana-muntu ke kwisa na zulu ya matuti, na ngolo ti na lukumu ya nene." Matayo 24:30